رسالة إلى دانيال · 2026
الى الابن المحبوب دانيل
متستكترش على نفسك الراحة في زمن الجري
لو عرفت ازاي متشال وسط الأوقات الصعبة تبوظ … مرفوع انا بقوة والناس بتسأل .. جوابي ده هو عامل في شخص ضعيف
متندمش على قرارات مصيرية صعبة بعد صلاة وتفكير كتير .. ومتقارنش عشان المبادئ مختلفة
شكرا لان علمتني انه "مفيش مشكلة" بس متجلطنيش ربنا يخليك
سامحني اني بشد عليك بس هتشوف نتيايج التربية السيس شكلها ايه
متساومش على حساب ربنا ..ابداً
اعترفلك “.. انا محتار اعلمك ازاي ؟؟؟ خصوصا ان أنظمة التعليم اغلبيتها مصممة لاخراج كائن يصلح لسوق العمل "على الرغم من فشلهم"
اياك والأجهزة .. الانسان يعيش بربنا والناس .. الحبسة قدام الأجهزة تموتك
خلص مشاكلك اول بأول متبيتش ومتطولش
العيش في عالم الأحلام سيجعلك فريسة للواقعيين، فاحرص على أن تقيّم الأمور والناس بناءً على طبيعتهم الحقيقية، لا على طبيعتك أنت. "ميكافيلي”
العيل كداب وبيبان حتى بعد كذا سنة … الرجولة تحتم الصدق والمسؤولية الكاملة .. كن صاحب موقف واضح، وإياك والحياد الجبان في النزاعات والمواقف الفاصلة، يكتسب الإنسان احترامه عندما يكون حازماً؛ إما "صديقاً حقيقياً أو عدواً صريحاً"
اما عن حديثنا المفضل السنوي في الصلابة النفسية فعندك شوية عناوين للسنة دي
Cognitive Reframing
Self-Compassion
Get rid of loneliness
Mindfulness
Neuroplasticity
الأبواب لغز كبير وصاحب المفاتيح ربنا… انت عليك تخبط
وأما حد يحاول يساعدك تفتح باب صلي كويس عشان ده اخطر باب ممكن يتفتحلك
لانه ممكن ميكنش بتاعك .. اللي منه هيتفتح وانت بتسعى .. مش بالعافية
وهو مريحك متفركش .. اسعى واعمل اللي عليك!
سلام سلام سلام .. عندي سلام في المسيح .. في قلبي في فكري سلام نبعه هو
ربناعنده الحق في انه يغير خططتك سيب نفسك ليه
استخدم ذاكرتك وفطنتك لمجده
التعلم بالسلب مفيد وانت واعي .. مدمر وانت على باب الله
الكنيسة بتتراح مش بتتحضر على اي شاشة .. الكنيسة مش في بيتك "مع انه كنيسة صغيرة"
طوباهم اللي في ديارك اللي بلا عيب فيه سالكين
ثبتني في طريق أنوارك إلى انقضاء الدهر أمين
أقداره ترضيك ؟ فحياتك طيبة وبخير … الرضا
مصر بكل تفاصيلها وتراثها الروحي الغني بكل أطيافه مش هتلاقيه فى حتة تانيه .. متتعبش نفسك
الهدية أو الموهبة اللي جواك مش هواية، دي مفتاح رزقك.
الوظيفة مؤقتة، بس الدعوة الإلهية أبدية.
ربنامش ضد الشغل، لكنه ضد العبودية لنظام البشر.
والايد البطالة نجسة
مبسوط من اول درس لاهوت صغيربابا الاب
ربنا يسوع المسيح
الروح القدس
التلاتة واحد … انا مقدر انك مش شايفهم بس واثق في انه هو هيوريك نفسه
الكلمة الكلمة الكلمة .. كل يوم وفي كل وقت وتخليك أحكم من جيلك باطاعته الوصية
البلاء موكل بالمنطق
كل سنة وانت بتكبر في الحكمة والقامة والنعمة عنده و عند الناسبنحبك أوي
16-3-2026