المحاضرة الأولى
أهم النقاط التي أثارت اهتمامي وتركيزي واتفق معها:
فرق معايا تعريف الرعاية انه فعل محبة بالخروج عن ذاتي مش كلام محبة فقط.
التحديات اللي بتواجه الرعاية: بعد المسافة والانشغال بالذات ومحبة المال
الشواهد من الكتاب ع الرعاية بداية من تكوين ورعاية الله لآدم وحواء فالجنة.
رعاية الله ظهرت فانه هو الراعي وادراكنا ان الراعي ده يخصنا احنا الراعي الخاص بينا.
والله نفسه بيقول ع الرعية انهم غنمه .. تعبير غنمي بيعبر عن انتمائنا ليه وانه الراعي لينا.
الرعاية بتشمل رعاية جسدية ونفسية وروحية.. احيانا بنقتصر دور الرعاية فالتوجيهات الروحية فقط ولكن نجد ان البعض وفالاغلب المعظم يحتاجون الى الرعاية النفسية والاجتماعية بالسؤال عنهم وتفقد احوالهم.
من خلال أحداث العهد القديم نجد ان الرعاية ففكر الله من البداية.
الرعاية ففكر بولس الرسول نجدها في رسالة تيموثاوس الاولى والثانية وتيطس.
فرق معايا جدا تأمل الدموع اللي سيمسح الله ويتذكرها هي دموع التوبة مع خاطي، دموع مشتركة شخص حزين… منذرا كل واحد بدموع.
الرعاية في فكر بطرس الرسول.
المحاضرة الثانية
الرعاية محتاجة حب الله وحب للناس، محتاجه معونة الروح القدس ومحتاجة معونة الآخرين أيضا
الرعاية محتاجة مرجعية.
الشعب ينتظر من الراعي المساندة والاهتمام وتسديد احتياجاتهم.
الراعي ممكن يأثر تأثير سلبي وايجابي.. لابد ان يفصل بما يمر به في رعايته ولا يشارك الأمور الخاصة لأسرته.
مهم في قلب الراعي انه ميكنش رغبة لمعرفة الأسرار لكن تكون رغبته دائما خدمة ومساعدة جسد المسيح.
حلو ان الكنيسة ترعى الجيران المسيحيين والمسلمين… اعتقد ان النقطة دي محتاجة حكمة كبيرة.
المحاضرة الثالثة:
الرعاية هدفها الأساسي توصيل المسيح للناس.
منذرين ومعلمين ده يكون شعارنا واهتمامنا بالرعاية.
توصيل رسالة المسيح يكون محور رعايتنا لان سادت بعض افكار التنمية البشرية وغيرها.
نهتم برسالة الانجيل ودعوة الخلاص لان انتشر فالوقت الاخير، انجيل الرخاء والليبرالية وغيرها.
المحاضرة الرابعة
الرعاية مش بس حب لكن كمان الرعاية عطاء.
الرعاية عناية وحماية للشعب من التعاليم الخاطئة.
فرق معايا الأمثلة العملية، ومهم ان الشيوخ والخدام يكونوا قريبين من الشباب… ده بيساعد الشباب انهم يكونوا خاضعين.
الرعاية هي قيادة أفضل.
نضمن ان الناس يستجيبوا لرعايتنا لما نهتم بيهم، لما نسمعهم ونقدرهم، وكل ما كنا منفتحين عليهم وقريبين منهم.
مهم نربط الناس بالرب مش بأنفسنا (النقطة دي مهمة جدا)
نشارك الناس بالخدمة مش متفرجين.
المحاضرة الخامسة
قواعد الزيارات الرعوية:
الزيارات مهمة جدا، وشفنا ده فالمسيح النموذج بتاعنا
مفتاح البيت هو الطفل.. حلو انك وانت رايح الزيارة تجيب حاجة للطفل.
رتب افكارك قبل الزيارة.
اهتم بملابسك قبل الزيارة.
الوقار حتى وانت طالع السلم وتبدا الزيارة بالصلاة.
اقعد في مكان ميكشفش البيت.
عرف نفسك لو الناس متعرفكش.
كن حكيم ومرتاح relax مش جاد اوي ومش متزن اوي عشان تقدر تقربلهم.
مهم تفتح حوار ومتدخلش في صدامات.. المهم انك تفتقدهم وتقدر تاخد من حديث اللي قدامك وتوجه الحديث.
اتواصل معاه في الحتة بتاعة شخصية الزيارة، بس اهتم ترجع لهدف وجوهر الزيارة.
مهم تقرأ جزء كتابي وتصلي معاهم، لان احنا مش ضامنين هنشوفهم تاني ولا لا.(متفقة مع النقطة دي جدا)
التسجيل للزيارات بيحميك من التكرار.
متحاولش تطفل عشان تعرف مشاكل البيت.
زيارة المرضى مهمة جدا واحيانا بتبقى فيها أسئلة صعبة.
الشخص اللي بيحتضر بيمر ببعض المراحل: الإنكار: ينكر انه تعبان .. دور الراعي انك تسمعه وتشاركه المشاعر.
الشعور بالذنب:
المحاضرة السادسة
مهم انك متهاجمش المريض، حلو انك تحسسه انك حاسس بيه وشاركه مشاعره.
نختار بحكمة النصوص الكتابية.
أمور مهم ناخد بالنا منها واحنا رايحين زيارة مريض:
متحطش أي نوع من العطور.
متتكلمش بصوت ولا عالي اةي ولا واطي اوي.
اقعد في مكان يشوفك فيه بسهوله.
متنكتش معاه وهو عامل عملية جراحية عشان الغرز.
متتكلمش عن مشاكلك ومشاكل قرايبك.. اتكلم معاه ع حالته هو.. متقلش ان حد كان عنده نفس المرض وربنا شفاه.. متوعدوش بالشفاء خاصة لو بيحتضر.
متحرجش المريض بأسئلة متطفلة.
مطولش فزيارة المريض.
متربطش المرض بعقاب الله أو الخطية.
يوم الاحد (يوم الرب)
الاساس التاريخي: ان الله استراح فاليوم السابع.. واوصانا اذكر يوم السبت وقدسه.
مرتبط أيضا بخروج الشعب من أرض مصر.
المسيح قدس يوم السبت بالعبادة والأعمال الضرورية وأعمال الرحمة.
حل يوم الأحد محل يوم السبت بقيامة المسيح وظهوراته للتلاميذ وحلول الروح القدس وممارسة العشاء الرباني وتقديم العطاء.
انا متفقة مع فكرة أن التناول مش هيدخلنا السماء لكن مهم جدا يكون بيعمل كده لان المسيح قال اصنعوا هذا لذكري… لان اوقات الناس بتتلكك أنه طالما حصلوا ع خلاص منين ما يقدروا يتناولوا يتناولوا… انا مقتنعة ان لازم يكون كسر الخبز بصورة دورية الا لو كان في ظروف قهرية.
انا متفقة جدا مع حضرتك ع فكرة ان مش صح اننا نخرج برة نظام الكنيسة ونكسر خبز لوحدنا.. شكرا جدا للرأي ده.
عود طفلك من صغره ع يوم الرب.
احترم وجودك في بيت الرب.
المحاضرة السابعة:
وحدة الكنيسة مهمة فالرعاية.
الكنيسة اللي بيسودها المحبة، كل اللي يجي فيها هايرتاح فيها.
الالتزام مهم في وحدة الكنيسة.
التابع الجيد تلميذ جيد وخادم جيد.
الخضوع مهم لوحدة الكنيسة ولخدمتك فالرعاية.
التواضع بيساعد في وحدة الكنيسة.
العلاقات الصحية والسليمة فالكنيسة.
تبادل المهام والمواقع بدون حدوث مشكلات.
اختفاء لغة الانا بيساعد في وحدة الكنيسة.
وحدة الكنيسة لا يصنعها اي راعي او قائد، لكن بيصنعها الروح القدس واحنا بنحافظ عليها.
اشتياق قلب الله اننا نكون واحد والكنيسة تكون متحدة.
المحاضرة الثامنة:
ازاي الرعاية بتهتم بانضمام الافراد لعضوية الكنيسة.. انضمام للكنيسة بيدينا هوية.
انضمامنا للكنيسة وممارستنا مع بعض لكسر الخبز والوحدة بيكبر الكنيسة.
اخطر شئ الشخص الوحيد ع راسه.
انضمام للكنيسة بيكبرني وينميني ويشجعني لما اضعف.
وانا برة الكنيسة العدو بينتهز الفرصة اكبر أنه يحاربني.
امتيازات وجودنا كأعضاء فالكنيسة كتيرة وعملية.
من اكتر الجمل اللي فرقت معايا فالمادة كلها جملة اننا اوقات بنستهتر بقداسة المسيح عشان خاطر نكسب شخص ومنزعلوش لكن قداسة المسيح لازم تكون ففكرنا طول الوقت.
التأديب الكنسي مهم للكنيسة.
عجبتني الخبرة من الصين ان بانضمام شخص للمسيح، المسيح بيكون ليه عينين جديدة يشوف بيها وايدين جديدة يعمل بيها.. ربنا يدينا نعمل ده في كنايسنا.