الانفتاح

الصراحة

بيقولوا ان الصراحة راحة و ان الي بيطلع الي في قلبه بيشيل حمل كبير من عليه

لكن هنا في مصر ايوة في بلدك الي انت قاعد فيها دي انسي ده مش بيطبق زيه زي بقيت القوانين الكتيلا الي ملهاش ولا هايكون ليها مكان زي حقوق الانسان و حقوق المرأة الي لسة الناس فاهمنهم غلط و غيرهم كتير .

صراحة = تعب و وجع دماغ بتطلع من جواك علشان توزعة علي الناس بنفس المقدار او اكتر مضروب في عدد الناس يعني بيزيد مش بيقل … ده حتي و الكلام كان جواك كان واحد بس هو الي بيئنب فيك اما اول ما تعمل فيها شجاع و تتكلم استحمل بقي حتلائي اي حد عنده كلمة يعملك موضوع كبير و حاجات انت عمرك ما فكرت فيها اساساً .

في مصر و الدول الي زيها الصراحة = قلــــــــــــــــة ادب – عيب كده ميصحش –لا كده غلط – انت اتعديت حدودك … كل دي و اكتر من مسميات بتتقال علي اي حد يتكلم .

نفسي كدة في مجتمعك ( الناس الي حوليك) شوف كام واحد مش بيقول الي جواه حتي لو كان صح … كام واحد مداري علي حاجات ميصحش انها تتقال مع انها بتتقال في وسائل الاعلام ساعات

——————————————————————

معلومة للزمن :

مصر من اكتر الدول الي الناس فيها بيعانوا من امراض نفسية و كنت قرأت احصائية كانت بتقول ان تقريبا 68 % من الشعب المصري محتاج معالجة نفسية

لكن الحمدلله احنا معندناس حاجة …. ازاي أنــــــــــا أروح لدكتور نفساني ليه اتجننت … الحال زي الفل … انا كويس نشكر ربنا (مش معترض ان احنا نشكر ربنا في كل حال ) … احنا تمام .

و جرب بص في وش الناس كدة و شوف مدي الكآبة علي وشهم

الناس الي بوشين و دلوقتي في ب 3 و ممكن اضافات كمان عليهم و الي جوة الواحد مش هو الي براه اهو كله عايش و خلاص

كل دة لسبب بيسط جداً ….. لان احنا مفتقدين الصراحة بشكل كبير

انا زهقت بقي من الناس دي كلها الي شايل و مش عارف يتكلم

خايف من ايه و ليه و لايمكن مش عاوز تتطلع الي جواك مش عاوز تتجرح او تزعل …صدقني الصراحة أحلـــــي علي الاقل الناس الي حوليك هتكون حاسة بيك/ي و ممكن يعتبروك/ي قليل الادب

الصراحة شعرة بين الصدق والوقاحة … لذا أحذر

بس

These words my friend Mena Alfons said them to me:

You must be the change you wish to see in the world.