نور وملح

أحلى حاجة في المسحيين الأيام دي لحظتها على معظم الكنايس بكل طوايفها إلا القليل منهم انهم بيخافوا ينوروا برة مكانهم

فـمثلا الخدمة  كلها جوه الكنيسة  - اجتماعات لبناء المؤمنين  - خدمة المديا والمواقع معظمها  للمؤمنين

عارفين احنا عاملين زي  إيه  ؟

زي لما تحط ملح على  أكل مملح بزيادة فـيبقى طعمه مش كويس اوحش م الأكل اللي مفهوش ملح اصلا

زي اللمبة اللي بتنور في اوضة 1*1 متر فيها كشافات كتييييييييييييير

طول النهار نشتكي إن فلان مش بيحضر معانا وفلانا بتبعد عننا و أحيان تانية بقينا حتى بنخاف ننور في كنيسة تاني غير اللي بروحها بهجت إن ده مكانيي

طول النهار  خلوات  ومدارس  و مؤتمرات  90 % منها للمؤمنين

فرحـــــــــــــــــــــــــــــــــــــــــــــــــــــــــــــــــــــــــــــــــــــــــــــــتي

لما يسوع  كان بيكلم التلاميذ في الآخر قالهم اذهبوا مش تقعدوا في كنايسكم تبنوا في بعضكم و كمان تعقدو الدنيا على ناس اللي برة من كتير من أنتم عليتوا فكريا قوي لدرجة إن كلمنا العادي في المواضيع الروحية مش بيتفهم

نفسي نفهم إن نورنا البسيط مش هينور غير في الضلمة  لأن عمره  ماهيأثر  في اوضة  1*1 متر  مليانة كشافات

نفسي نفهم بجد إن الملح بيتحط على الأكل اللي ملهوش طعم مش نبوز بيه أحلى اكلة

نفسي نفهم إن ملح بنسبة قليلة هو اللي بيحفظ  الأكل إنه ميعفنش

نفسي نطلع برة كنايسنا نشوف الناس اللي هتموت على كلمة من يسوع

نفسي مع التغير اللي حصل في بلدنا نعرف ننور في الاماكن الصح مش جوه الكنيسة زي زمان

و بحلم اشوف نور وملح في كل حتى في العالم مش نعمل جبل ملح واوضة نور مقفولة

Jean Girgis

27/2/2011